二哥 Michael facebook悼 Sunny:
Two out of three, so bad
So sorry for the loss of my big brother Peter and my young brother Sunny in 10 months time
繼昨年7月我哥哥Peter的離世, 不到一年在5月20日我弟弟Sunny也因癌症返天家去
才61歲, 太年輕了
同樣喜歡彈結他, 尤其彈Blues結他的Sunny, 在1985年組成的樂隊Alien就是少數能夠經歷幾個年代還一起夾Band的本地樂隊, 他們1987年的卡式帶 – Who Needs It ? 及 2020年的CD – Love Never Stops, 都是很用心及朋友們很欣賞的製作 ！
Rest In Peace Sunny !

親愛的徐祐昌：
你內心的善良和常常幫助別人令我對你尊敬和關心你！
今天你雖然離開了我們！
我們雖然捨不得你！
但我深信我們將來大家會在天家見面！
我們相約在天家！
主耶穌愛你 ！❤️
我們愛你！❤️ 大嫂亞儀

2022年，當我仲係澳洲讀緊書，有一日收到媽咪電話打嚟話爸爸腰痛，記得爸爸講咗句「最壞情況就係cancer嗰啲野，希望唔係」，我個陣答佢「腰痛啫，未至於cancer咁嚴重嘅，唔好自己嚇自己！」雖然我口係咁講，但收線之後難免都會有啲忐忑不安，結果一兩個星期後，就收到屋企電話，話爸爸確診胰臟癌第三期。當時嘅我同爸爸媽媽分隔兩地，自己一個係澳洲，加上本身面臨着大學final year實習嘅壓力，得知後心情好複雜好沉重，好想即刻飛返香港，但同時我知道，我要留係澳洲完成埋最後一個月嘅實習，及格並順利畢業，先唔會令爸爸媽媽操心，所以當時嘅我，只可以透過電話同爸爸facetime講下電話，更新佢嘅情況。直到我完成哂我嘅實習，我就即刻買機票，好匆忙咁返咗香港。
返到香港後，爸爸雖然已經做完手術，但仍然要不停做化療電療，慶幸醫生批准爸爸出國一星期去悉尼，出席我嘅大學畢業禮，順便一家人去旅行放鬆一下，帶爸爸媽媽體驗我係澳洲五年嘅生活，食唔同餐廳，雖然返到香港，先發現無帶爸爸去試我覺得好食過香港嘅肥叉燒鵝脾飯，但我諗佢個次澳洲旅行都係開心嘅。
諗返起由細到大，我同爸爸好少傾偈，最有印象就係，初中每次考試前爸爸都會同我温習理科，佢比我嘅印象就係，好玩得，但惡起上嚟，都可以好惡。好多人都話我同爸爸似樣，但我覺得相比起個樣，我同爸爸係性格上更似，大家嘅mbti都係F型人格（情感型），諗野都比較相近，相反媽咪係思考型人格，爸爸成日都講笑話，媽咪唔明我地諗咩，哈哈！
正正因為爸爸病咗之後無返工，留係屋企，而我係澳洲返嚟之後，都長時間係屋企，我地兩個多咗好多相處嘅時間，會傾偈講吓自己嘅嘢，一齊落街食早餐，陪爸爸覆完診之後，又會去附近食好西，個陣每次去覆診前，爸爸都會叫我揾定啲餐廳，等睇完醫生就帶佢食佢鍾意食嘅清湯腩、豬手撈粗、豬膶麵、生牛肉河、壽司、拉麵、日式燒肉… 後期爸爸身體慢慢變差，行路腳軟需要人扶，個陣時，係我大個女後，第一次拖爸爸隻手，一開始係好唔慣，去到後期，每次出街都會主動拖住爸爸，珍惜仲有得拖嘅日子。
5月17爸爸身體突然轉差，雙腳無力，連企起身都有困難，需要坐輪椅，本身樂觀地以為只係短暫，結果兩日後5月19日好突然係屋企由我call白車，捱到去醫院，我最後一次拖住爸爸隻手，過多一兩個鐘，佢就離開咗。雖然我好想可以同爸爸一齊慶祝埋父親節，但我相信呢三年抗癌嘅路，爸爸都承受咗好多痛楚，突然嘅離開，對佢嚟講可能係一種解脫，唔使再辛苦了。
放心，我會做一個令您自豪嘅職業治療師，好好工作，照顧媽咪，唔使擔心我地！父親節快樂，我愛您！

「三年的時限到了！」由你開始腰痛，證實是患了胰臟癌，手術後又不斷的接受各種治療，直至現在返回天家(也是你向天父祈求病後在世的日子) 。你希望完成一些心願、爭取和家人朋友多些相聚的時光！確實你在醫生批准下終於去到悉尼出席女兒的畢業禮！而在這段日子，亦多了和親友們相聚！渡過了一段又一段歡樂的時光！
這三年光景，我倆相處的時間比過往的二十多年還多！相識初期，你要兼顧工作、進修神學、夾 Band 和負責教會各種事奉，所以行街睇電影的節目並不多！有次你陪我看郭富城演唱會，竟用大會派發的螢光棒照著趕功課，後段還累到睡著了！到你終於神學畢業了，女兒又出世了！我又要忙照顧女兒！大家各有各忙！或許天父藉著這個病讓我們可以停下來，專注和重修彼此的關係！
有時你會笑著說：「老婆，愛你！老婆，辛苦你！」我又回應你一句：「你現在才知道呀！」你的生活越來越依賴我，有時真的令我喘不過氣來！幸好有身邊的朋友扶持，讓我可以撐下去！
近這半年，你的身體狀況漸差，常常進出醫院，體重不斷下降，服用止痛藥的份量卻不斷增加，常說：「老婆，我好辛苦！天父救救我！點算好！」我真的無言以對！我曾經試過不斷鼓勵你說：「無事的，好快會康復！加油！」但其實你的情況彼此都心裡有數！不論是我或其他人對你說太正面的話，你說就像傷口上灑鹽！令你更痛苦！所以我只好輕輕拍拍你！
每次幫你抹身/換衫時，眼前瘦骨嶙峋的你，怎想到以前是肚腩圓圓的肥佬，心裡極不好受！
最後這兩個月，你為不同的團契/小組帶查經，縱使狀態好差，甚至要留院仍然堅持到底！要求醫生讓你出院！18/5你的腳痛到不能出門，你便請青少年在家裡聽道！也是你最後一次事奉！
19/5晚上，你終於撐不住，由送上十字車至停了心跳，前後不到三小時！雖然你沒有留下一言半句，卻不見有辛苦的狀態，亦不用長期卧床，正如你所想的，算是滿有恩典！
請記住你只是先回到天家！到時我們在天家所選定的年歲是35歲和32歲！
約定你天家再聚！                                  老婆上！

細佬真係好唔捨得你 但想起你在治療中 看見你的痛苦及煎熬 只感到無奈及傷心 願你在天國 開開心心 快快樂樂永遠懷念你                 家姐Donna and Catherine